«Ливерпуль» катта эҳтимол билан бу мавсумни совринсиз якунлайди.

Арне Слот шогирдлари бугун кетма-кет иккинчи бор «ПСЖ»га имкониятни бой беришди (0:2) ва Чемпионлар лигасининг чорак финалида мусобақа билан хайрлашишди.

Бундан олдин, 4 апрель куни мерсисайдликлар Англия кубоги баҳсларида «Манчестер Сити»дан қақшатқич мағлубиятга учраб (0:4), турнирни тарк этган эдилар.

АПЛда эса «қизиллар» чемпионлик унвонини ҳимоя қилиш учун фақат математик имкониятларни сақлаб қолишган: мавсум якунланишига олти тур қолганда улар пешқадам «Арсенал»дан 18 очкога ортда қолмоқда. Шу тариқа, шу ҳафта охиридаёқ АПЛда ғолиб чиқиш имконияти бутунлай йўқотилиши мумкин.

Эслатиб ўтамиз, «Ливерпуль» октябрь ойида Лига кубогидан чиқиб кетган, августда эса Англия Суперкубоги учун баҳсда мағлуб бўлган эди.