Англиялик собиқ ҳужумчи Алан Ширер «Ливерпуль»ни яна бир бор мағлуб этиб, Чемпионлар лигаси ярим финалига йўл олган Франциянинг «ПСЖ» клубининг асосий устунлигини айтди. Ширернинг фикрича, Луис Энрике шогирдлари тўпни майдон бўйлаб жуда тез ҳаракатлантиришни, айниқса, қарши ҳужумга ўтишни мукаммал даражада ўзлаштиришган.
«Биз «ПСЖ»нинг тўпни олдинга силжитишдаги, айниқса, қарши ҳужумлардаги юқори маҳоратига қайта-қайта гувоҳ бўлдик», — дея Ширернинг сўзларидан иқтибос келтиради BBC Sport.
Эслатиб ўтамиз, Франция клуби Чемпионлар лигасининг амалдаги ғолиби ҳисобланади. Ширернинг ўзи эса Англия Премьер-лигаси тарихидаги энг яхши тўпурар бўлиб, унинг ҳисобида 260 та гол мавжуд.













