«Ливерпуль»нинг собиқ ҳужумчиси Робби Фаулер клубнинг «ПСЖ»га қарши навбатдаги 0:2 ҳисобидаги мағлубият билан якунланган ўйини ҳақида фикр билдирди. Фаулернинг ҳисоблашича, белгиланган ва кейинчалик бекор қилинган пенальти билан боғлиқ вазият баҳснинг бурилиш нуқтаси бўлди.

«ПСЖ» бугун оқшом унчалик порламади, аммо кучайиш керак бўлган пайтда улар буни уддалашди. Бекор қилинган пенальти вазияти ҳал қилувчи бўлди, чунки ўша лаҳзагача «Ливерпуль» рақиб жарима майдончасида саросима уйғотишни бошлаётган эди», — дея Робби Фаулернинг сўзларидан иқтибос келтиради BBC Sport.

Эслатиб ўтамиз, Фаулер 1993 йилдан 2001 йилгача клуб шарафини ҳимоя қилган, кейинчалик эса 2006/2007 йилги мавсумда яна жамоага қайтган эди.