«Барселона» президенти Жоан Лапорта Чемпионлар лигаси чорак финали доирасида «Атлетико»га қарши кечган жавоб учрашувидан сўнг жамоа кийиниш хонасига кирди.
2:1 ҳисобидаги ғалаба «кўк-анорранглилар» учун ярим финалга чиқишга кифоя қилмади, чунки дастлабки баҳсда «матрасчилар» 2:0 ҳисобида зафар қучишган эди. Barca Universal нашрининг хабар беришича, ўйин якунлангач, Лапорта жамоага тасалли бериш учун зудлик билан кийиниш хонасига йўл олган. Клуб раҳбарига спорт директори Деку ҳам ҳамроҳлик қилди. Футболчилар ҳам, бош мураббий Ханс-Дитер Флик ҳам жуда тушкун ҳолатда эдилар.
«Барселона» 2015 йилдан буён Чемпионлар лигасида ғолиб чиқа олмаяпти. Ўтган мавсумда Флик каталонияликларни ярим финалга қадар бошлаб борган эди.
