«Barselona» prezidenti Joan Laporta Chempionlar ligasi chorak finali doirasida «Atletiko»ga qarshi kechgan javob uchrashuvidan so‘ng jamoa kiyinish xonasiga kirdi.

2:1 hisobidagi g‘alaba «ko‘k-anorranglilar» uchun yarim finalga chiqishga kifoya qilmadi, chunki dastlabki bahsda «matraschilar» 2:0 hisobida zafar quchishgan edi. Barca Universal nashrining xabar berishicha, o‘yin yakunlangach, Laporta jamoaga tasalli berish uchun zudlik bilan kiyinish xonasiga yo‘l olgan. Klub rahbariga sport direktori Deku ham hamrohlik qildi. Futbolchilar ham, bosh murabbiy Xans-Diter Flik ham juda tushkun holatda edilar.

«Barselona» 2015 yildan buyon Chempionlar ligasida g‘olib chiqa olmayapti. O‘tgan mavsumda Flik kataloniyaliklarni yarim finalga qadar boshlab borgan edi.