Франция терма жамоаси собиқ ярим ҳимоячиси Эммануэль Пети Чемпионлар Лигаси чорак финалидан ўрин олган «ПСЖ» ва «Ливерпуль» ўртасидаги жавоб баҳсида Париж клуби кўрсатган ўйинни кескин танқид қилди.
«Бу ўйин мени ҳайратда қолдирмади. Биринчи бўлимда "ПСЖ" "Ливерпуль" билан тенгма-тенг ўйнади. Иккинчи бўлимда эса жамоа мағлубиятга жуда яқин келиб қолди, аммо Сафонов ва менинг назаримда ажойиб ўйин ўтказган Маркиньос туфайли бардош бера олди.
"Ливерпуль" уларнинг устига худди момақалдироқдек ёпирилди — бу менга ўтган йилги "Астон Вилла"га қарши ўйинни эслатиб юборди, фақат голларсиз. Шахсан менга "ПСЖ"нинг ўйини хавотирли туюлди», — деди Пети.
Эслатиб ўтамиз, икки ўйин натижасига кўра «ПСЖ» (4:0) кейинги босқичга чиққан бўлса-да, «Ливерпуль»нинг кучли босими ва жароҳатлар парижликлар учун ярим финал олдидан жиддий қўнғироқ бўлди.
