«Бавария» бош мураббийи Венсан Компани «Барселона» ҳужумчиси Ламин Ямаль ҳақидаги фикрлари билан ўртоқлашди.

«Барча замонларнинг энг буюк футболчиси кетганидан сўнг, жамоа таркибида тез орада Ямал каби футболчининг пайдо бўлиши — «Барса» учун алоҳида воқелик. Менинг авлодим учун Месси ўз даврининг белгиловчи сиймоси эди. У кетганидан кейин кўп ўтмай, унинг изидан бора оладиган потенциал футболчига эга бўлиш — бу мутлақо ноёб ҳодиса. Бундай ўйинчиларга доим ишониши ва уларга имконият бериши — бутунлай Ла Масиянинг хизматидир», — дея Компанининг сўзларини келтирмоқда Фабрицио Романо.

Жорий мавсумда Ламин Ямал «Барселона» сафида барча мусобақаларда 44 та ўйинда қатнашиб, 23 та гол урди ва 18 та голли узатмани амалга оширди.