«Рома» ҳужумчиси Пауло Дибала клубини ўзгартириши мумкин. Corriere della Sera нашри берган маълумотга кўра, агар аргентиналик футболчи Рим клубини тарк этса, у «Милан»га ўтишни истайди.
«Сан-Сиро»да тўп тепиш ҳужумчининг орзуси ҳисобланади. Бундай трансфер амалга ошиши учун Дибала «россонерилар» билан ўзининг ўйинларига қараб белгиланадиган шартномага рози бўлишга тайёр.
Пауло Дибала 2022 йилда «Ювентус»дан «Рома»га эркин агент сифатида ўтган эди. Унинг амалдаги шартномаси 2026 йил 30 июнгача мўлжалланган. Жорий мавсумда аргентиналик футболчи Рим клуби сафида барча мусобақаларда 22 та ўйинда майдонга тушиб, учта гол урди ва тўртта голли узатмани амалга оширди.
