Ярим ҳимоячи Каземиро жорий мавсум якунланганидан сўнг «Манчестер Юнайтед»ни тарк этади. RTI маълумотларига кўра, бразилиялик футболчи шу ёзда «Интер Майами»га ўтиш борасида келишувга эришган.
Ҳавбек Америка клуби билан 2028 йилгача мўлжалланган шартнома имзолайди. Каземиронинг маоши тахминан 70 миллион фунт стерлингни ташкил қилади.
Каземиро 2022 йилда «Реал»дан «Манчестер Юнайтед»га 70 миллион евро эвазига ўтган эди. Жорий мавсумда ярим ҳимоячи «қизил иблислар» сафида барча мусобақаларда 31 та ўйинда қатнашиб, 8 та гол урди ва 2 та голли узатмани амалга оширди. Transfermarkt портали бразилиялик ўйинчининг нархини 8 миллион еврога баҳоламоқда.
