«Барселона» ҳужумчиси Рафинья УЕФА Чемпионлар Лигаси 1/4 финал жавоб учрашувидан сўнг «Атлетико» мухлисларига қарата қилган ҳаракатлари учун кечирим сўради. Ўйин якунлангач, бразилиялик футболчи мадридликлар мухлисларига уларнинг жамоаси ярим финал босқичида мусобақани тарк этишини кўрсатган эди.
«Қилган ишим учун узр сўрайман, бу менинг қадриятларим ва характеримга тўғри келмайди. Бу воқеа кеча оқшом менга нисбатан ҳурматсизлик қилган мухлисга жавоб қайтарган вақтимдаги ҳаяжонли вазиятда юз берди», — деб ёзди Рафинья DAZN каналидаги видео остида қолдирган изоҳида.
«Атлетико»нинг ярим финалдаги рақиби бугун, 15 апрель куни аниқланади. 1/4 финал жавоб баҳсида «Арсенал» ва «Спортинг» тўқнаш келишади. Биринчи ўйин «канонирлар»нинг ғалабаси билан якунланган (1:0).
