“Бавария” ва Германия терма жамоасининг собиқ ҳимоячиси Филипп Лам мюнхенликлар дарвозабони Мануэль Нойер ҳақида юқори фикр билдирди. Улар аввал “Бавария” сафида бирга тўп суришган.

“Нойер — асрда бир марта дунёга келадиган дарвозабонлардан. У бу позиция учун зарур бўлган барча иқтидор ва сифатларга эга: сакровчанлик, чаққонлик, реакция, жисмоний куч ва эпчиллик. У харизмага, майдондаги таъсирчанликка ва ўз касбига бўлган улкан садоқатга эга. Ва 40 ёшида ҳам, ўтган ҳафта кўрсатганидек, у ҳали ҳам энг юқори даражада ўйнай олади.

Мануэль — ўйинда фаол иштирок этишни истайдиган дарвозабон. Бу оддий гапдек туюлиши мумкин, лекин у деярли қўшимча майдон ўйинчисидек ҳаракат қилади, ўнг ва чап оёқда бирдек ишончли ўйнайди. У бизга ҳимоядан ҳужумни бошлашда ёрдам берарди, чунки унинг паслари босим остида қолмаслигимизни таъминларди. Бундай дарвозабон билан жамоа мураккаб вазиятларда анча ишонч билан ўйнайди. Биз унга ва у тақдим этадиган пас вариантларига деярли ҳар қандай вазиятда ишонар эдик.

Албатта, Мануэль Нойер каби ўйинчилар ҳар куни учрамайди. У Лионель Месси ёки Криштиану Роналду каби тарихдаги энг буюк футболчилар қаторига киради ва у ҳақиқатан ҳам “Олтин тўп”ни қўлга киритишга лойиқ эди”, — деб ёзди Лам The Athletic нашридаги минбарида.