Ярим ҳимоячи Энцо Фернандес Мадриднинг «Реал» клуби қизиқишлари ҳақидаги хабарлар фонида жорий мавсум якунида «Челси»ни тарк этиши мумкин.

Журналист Мигель Делейнининг маълумотларига кўра, «кўклар» аргентиналик футболчига ўринбосар сифатида «Борнмут» аъзоси Алекс Скотт номзодини кўриб чиқмоқда. Лондон клуби анчадан бери 22 ёшли футболчининг иштирокини кузатиб келмоқда. «Олчалар» ўз ярим ҳимоячисининг сотувидан 50 миллион фунт стерлингдан кўпроқ маблағ ишлаб олмоқчи.

Алекс Скотт 2023 йилда «Бристоль»дан «Борнмут»га 23 миллион евро эвазига ўтган эди. Унинг амалдаги шартномаси 2028 йилнинг 30 июнига қадар мўлжалланган. Ушбу мавсумда ярим ҳимоячи барча турнирларда 34 та ўйин ўтказиб, 4 та гол урди ва битта голли узатмани амалга оширди.