Мадриднинг «Реал» клуби сафарда «Бавария»га қарши баҳс олиб бормоқда ва биринчи бўлимдан сўнг 3:2 ҳисобида олдинда бормоқда. Танаффус арафасида мадридликлар ҳужумчиси Килиан Мбаппе ўз ҳисобига гол ёздириб қўйишга муваффақ бўлди.
Эндиликда Мбаппенинг Чемпионлар лигаси жорий мавсумидаги голлари сони 15 тага етди. Турнир тарихида бир мавсум давомида бундан кўп голни фақат Криштиану Роналду урган — 2015/2016 йилги мавсумда 16 та ва 2013/2014 йилги мавсумда 17 та гол.
Шу тариқа, Килиан Мбаппе Криштиану Роналдунинг тарихий рекордига анча яқинлашиб қолди. Бироқ шуни ҳам таъкидлаш жоизки, Чемпионлар лигасининг замонавий форматида ўйинлар сони кўпайганлиги ҳужумчиларга сермаҳсулликни ошириш учун қўшимча имконият яратмоқда.
