Мадриднинг «Реал» клуби бош мураббийи Альваро Арбелоа Чемпионлар Лигаси 1/4 финали доирасида «Бавария»га қарши кечган жавоб ўйинидаги (3:4) жамоасининг иштирокини баҳолади. «Қаймоқранглилар» икки ўйин натижасига кўра 4:6 ҳисобида имкониятни бой бериб, турнирни тарк этишди.

«Футболчиларимизнинг иштироки фантастик бўлди. Сарфланган барча куч ва ҳаракатларни инобатга олсак, улар учун жуда афсусдаман. Мюнхенга келган ва уйда ўйинни томоша қилган барча мухлисларимиздан узр сўрайман. «Реал» бу йил 16-Чемпионлар Лигаси титулини юта олмаслигидан азоб чекяпман, лекин жамоам ва улар кўрсатган характер билан фахрланаман.

Футболчилар борини беришди. Кеча айтганимдек, биз Мадридга бошимизни баланд кўтарган ҳолда қайтамиз. Афсуски, четлатиш ва ўйин сўнггидаги гол ҳамма нарсани ҳал қилиб қўйди», – деди Арбелоа ўз интервьюсида.

Эслатиб ўтамиз, «Реал» таркибида голларни Арда Гюлер (дубль) ва Килиан Мбаппе киритишди. Бироқ бу ярим финалга чиқиш учун етарли бўлмади.