«Реал»нинг собиқ футболчиси Уэсли Снейдер Чемпионлар Лигаси 1/4 финал жавоб баҳсида «Бавария»га қарши ўйинда (3:4) майдондан четлатилган Эдуардо Камавингани қаттиқ танқид қилди.
«Камавинга — аҳмоқ. Биласизми, «Реал» футболчилари якуний ҳуштақдан кейин нима қилишлари керак эди? Улар кийиниш хонасига кириб, барча норозиликларини унинг юзига айтишлари ва бор ғазабларини унга сочишлари керак эди», — дея Снейдернинг сўзларини CNA нашри келтирмоқда.
Камавинга четлатилганидан сўнг, Мадрид клуби иккита гол ўтказиб юборди ва мағлубиятга учради. Шу тариқа, жамоа икки ўйин натижасига кўра 4:6 ҳисобида имкониятни бой бериб, ярим финалга чиқа олмади.
Снейдернинг фикрича, айнан футболчининг бундай масъулиятсизлиги ва интизомсизлиги «Реал»нинг турнирдаги иштирокини барвақт якунлашига сабаб бўлган.
