«Бавария»нинг ярим финалга чиқишига ҳисса қўшган франциялик ярим ҳимоячи Майкл Олисе «Реал» билан бўлиб ўтган баҳс ҳақида тўхталди.
«Ажойиб ўйин гувоҳи бўлдик. Аввалига баҳс худди пинг-понг каби ўтди — ҳужумга ҳужум билан жавоб қайтарилди, голлар кетма-кет урилди. Бироқ якунда ирода кўрсатиб, керакли натижани қўлга киритдик. Иккинчи бўлимда биринчисига қараганда анча мазмунлироқ ўйнадик. Рақибнинг қизил карточка олиши бизга устунлик берди, деб ўйламайман. Чунки унгача ҳам кўплаб вазиятлар яратаётган эдик ва ташаббус биз томонда эди», — дея Олисенинг сўзларини келтиради BBC Sport.
Маълумот учун, «Бавария» сўнгги бор 2020 йилда Чемпионлар лигасида зафар қучган. Энди немис клуби ярим финалда «ПСЖ» билан куч синашади.
