«Бавария» ҳимоячиси Йосип Станишич Антонио Рюдигер уни ҳақорат қилганини айтди. Чемпионлар лигаси чорак финалидан ўрин олган жавоб учрашуви давомида германиялик футболчи хорватиялик ҳимоячини муайян сўз билан ҳақоратлаган, бироқ Станишич бу сўзни ошкор қилмасликни афзал кўрди.

«Майдонда ётган пайтимда Рюдигердан нималарни эшитганим ҳақида гапириб ўтирмайман. Яхшиси, буни унинг ўзидан сўранг. Менинг фикримча, бу қабул қилиб бўлмас ҳолат. У фақат битта сўз айтди, ўзиям икки марта. Унга шу саволни бериб кўринг — балки ҳаммасини тан олишга жасорати етар. Мен адоват тарафдори эмасман, шунинг учун тафсилотларни очиқламайман. Ҳа, у буни ҳиссиётлар остида айтди, лекин барибир бунга йўл қўйиб бўлмайди», – деди Станишич Kicker нашрига берган интервьюсида.

«Бавария» 4:3 (икки ўйин натижасига кўра 6:4) ҳисобида ғалаба қозониб, ярим финалга йўл олди. У ерда мюнхенликлар «ПСЖ» билан куч синашади.