Машҳур собиқ француз футболчиси Тьери Анри Чемпионлар лигаси чорак финалидан ўрин олган Мюнхеннинг «Бавария» ва Мадриднинг «Реал» жамоалари ўртасидаги баҳс натижаси ҳақида ўз фикрларини билдирди.
Жавоб учрашуви Германияда бўлиб ўтди ва майдон эгаларининг 4:3 ҳисобидаги ғалабаси билан якунланди.
"Қандай ажойиб ўйин! "Реал" биринчи бўлимда рақибини бутунлай тор-мор келтирганди. Кейин эса "Бавария" иккинчи бўлимда ўйинга қўшилди, сон жиҳатдан устунликдан фойдаланди ва майдонни "кир ювиш машинаси"га айлантириб юборди. Улар рақибни бутунлай бўғиб қўйишди", — дея Анрининг сўзларини келтирмоқда AS нашри.
Чемпионлар лигаси ярим финалида Бундеслига пешқадами чорак финалда «Ливерпуль» тўсиғидан ўтган Франциянинг «ПСЖ» жамоаси билан ўйнайди.
