Лондоннинг «Тоттенхэм» клуби ҳимоячиси Дестини Удожи жамоа мухлисларига мурожаат қилди.
«Шунчаки бизга ишонишда давом этинг. Вазият оғир эканини биламиз, лекин биз, клуб сифатида, буни ўзгартира олишимизни тушуниб турибмиз. Сиз фақат ишонишдан тўхтаманг», — дея Удожининг сўзларини келтиради Sky Sports News.
Эслатиб ўтамиз, Англия Премьер-лигасининг 32-турида «Тоттенхэм» сафарда «Сандерленд»га 0:1 ҳисобида имкониятни бой берди ва хавфли ҳудудга тушиб қолди. Айни дамда «шпорлар» 30 очко билан турнир жадвалида 18-ўринни эгаллаб турибди.
Чемпионатнинг 33-турида Роберто Де Дзерби шогирдлари «Брайтон»ни қабул қилади. Ўйин 18 апрель куни Тошкент вақти билан соат 21:30 да бошланади.
