«Астон Вилла» бош мураббийи Унаи Эмери Европа Лигаси чорак финалидан ўрин олган «Болонья»га қарши жавоб баҳси олдидан ўз фикрларини билдирди. Биринчи ўйинда Бирмингем клуби сафарда 3:1 ҳисобида ғалаба қозонган эди.
«Биз тайёрмиз. Футболчилар режага амал қилиб, биринчи ўйиндаги муваффақиятни ривожлантиришига ишонаман. Тўғри, сафардаги ғалаба муҳим, лекин рақиб исталган дақиқада гол уриши мумкин, шу боқиз ҳар қандай вазиятга тайёр туришимиз керак.
«Болонья»нинг «Рома»га қарши ўйинини эсланг — улар фаворитни мусобақадан чиқариб юборишган. Уларнинг жамоавий ўйини ва майдонда борини бериб ҳаракат қилиши таҳсинга лойиқ. Рақибнинг ўйинини жуда ҳурмат қиламан ва юқори баҳолайман», — деди Эмери.
Учрашув бугун тунда бўлиб ўтади. Эмери шогирдлари ўз майдонларида дастлабки ўйиндаги устунликни сақлаб қолишга ҳаракат қилишади.
