«Реал» Чемпионлар лигасини тарк этганидан сўнг, Флорентино Перес кийиниш хонасига йўл олди ва футболчилар билан суҳбатлашди. Испаниянинг Sport нашри хабарига кўра, Мадрид клуби президенти жамоани қаттиқ танқид қилган. Манба Переснинг сўзларини очиқлади.
«Бугунги ҳаракатларингизни қадрлайман, аммо ушбу мавсум ҳамма учун ҳақиқий ҳафсала пир бўлиши билан якунланди. «Реал» футболчиларига нисбатан қандай талаблар қўйилишини яхши биласиз. Совринсиз мавсум — бу мағлубият, чунки биз «Реал»миз. «Реал» либосини кийиш — бу имтиёз, аммо шу билан бирга катта масъулият ҳамдир. Кўпчилигингиз бу масъулиятни уддалай олмадингиз. Сиз клуб қўйган талаблар даражасига жавоб бера олмадингиз», — деган Перес манбанинг таъкидлашича.
«Реал» назарий жиҳатдан Испания чемпионатида ғолиб чиқиши мумкин, бироқ «Барселона»га етиб олиш қийин бўлади. Каталонияликлар Мадрид клубидан тўққиз очко олдинда, олдинда эса яна еттита тур бор.
