Массимилиано Аллегри Италия терма жамоасининг янги бош мураббийига айланиши мумкин.

Corriere dello Sport нашрининг маълумотларига кўра, Италия футбол федерациясининг янги президенти сайланганидан сўнг, ҳозирда «Милан»ни бошқариб турган мутахассис миллий жамоага таклиф этилиши мумкин. Нашрда ёзилишича, агар бу амалга ошса, Аллегри бундан мамнун бўлиши айтилган.

Шунингдек, Массимилиано номзодини «Наполи» клуби ҳам кўриб чиқмоқда. Агар Антонио Конте терма жамоага ишга ўтиб кетса, «партенопейлар» президенти Аурелио Де Лаурентис унинг ўрнига тажрибали ва совриндор мураббийни таклиф қилишни афзал кўради.

«Милан» эса ўз навбатида бош мураббийлик лавозимига Винченцо Итальяно («Болонья»), спорт директори лавозимига эса Тони Д’Амикони («Аталанта») таклиф қилишдан манфаатдор.