Massimiliano Allegri Italiya terma jamoasining yangi bosh murabbiyiga aylanishi mumkin.

Corriere dello Sport nashrining ma’lumotlariga ko‘ra, Italiya futbol federasiyasining yangi prezidenti saylanganidan so‘ng, hozirda «Milan»ni boshqarib turgan mutaxassis milliy jamoaga taklif etilishi mumkin. Nashrda yozilishicha, agar bu amalga oshsa, Allegri bundan mamnun bo‘lishi aytilgan.

Shuningdek, Massimiliano nomzodini «Napoli» klubi ham ko‘rib chiqmoqda. Agar Antonio Konte terma jamoaga ishga o‘tib ketsa, «partenopeylar» prezidenti Aurelio De Laurentis uning o‘rniga tajribali va sovrindor murabbiyni taklif qilishni afzal ko‘radi.

«Milan» esa o‘z navbatida bosh murabbiylik lavozimiga Vinchenso Italyano («Bolonya»), sport direktori lavozimiga esa Toni D’Amikoni («Atalanta») taklif qilishdan manfaatdor.