«Ливерпуль» жамоаси Чемпионлар лигасида икки ўйин давомида бирорта ҳам гол ура олмай, мусобақани тарк этганидан сўнг, клуб Арне Слот билан хайрлашишига кўпчилик шубҳа қилмаяпти. Аммо унинг ўрнини ким эгаллаши ҳозирча тўлиқ маълум эмас.
Шу билан бирга, «Ливерпуль» мухлисларининг ўз фаворити бор — форумлар ва ижтимоий тармоқларда энг кўп ҳозирда «Борнмут»ни бошқараётган испаниялик мутахассис Андони Ираоланинг исми тилга олинмоқда.
Таъкидлаш жоизки, Ираолага шу ҳафта Чемпионлар лигасидан чиқиб кетган яна бир клуб — Мадриднинг «Реал» жамоаси ҳам қизиқиш билдирмоқда. Эслатиб ўтамиз, Андони Ираола 2023 йилдан бери «Борнмут» мураббийи сифатида ишлаб келмоқда.
