Нуфузли италиялик журналист Фабрицио Романо Роберт Левандовскининг «Милан»да пайдо бўлиш эҳтимолини юқори баҳоламоқда.
Сўнгги йилларда «Милан» қисқа муддатли истиқболда ёши катта ўйинчиларга тез-тез ишонч билдирмоқда. Бунга Златан Ибрагимович ва Оливье Жиру мисолларини келтириш кифоя — уларнинг иккаласи ҳам клубга катта фойда келтиришган.
Романонинг сўзларига кўра, Левандовскининг агенти Пини Захави яқин вақт ичида Италияга сафар қилишни режалаштирган. Бу катта эҳтимол билан у ўз мижозининг яқин келажагини белгилаш учун учиб келаётганини англатади.
