«Барселона» дарвозабони Войцех Шесни клубда узоқ вақт қолмаслигини тан олди.
Жорий мавсумда польяк футболчиси майдонда кам кўриниш бермоқда — барча турнирларда жами ўнта ўйин. Унинг амалдаги шартномаси 2027 йилнинг ўрталарига қадар мўлжалланган.
«Бу ерда узоқ қолмаслигимни биламан, чунки мен асосий таркиб ўйинчиси эмасман. Лекин бу барибир ҳам шахсан мен учун, ҳам оилам учун ажойиб тажриба бўлди. Бу ерда бошимиздан кечирган барча нарса учун миннатдормиз», — дея дарвозабоннинг интервьюсидан иқтибос келтиради Barca Universal.
Эслатиб ўтамиз, 2024 йилнинг кузида Шесни жароҳат олган Марк-Андре тер Штегеннинг ўрнини тўлдириш учун «Барселона» туфайли фаолиятини қайта тиклаган эди. Эртага, 18 апрель куни Войцех 36 ёшни қарши олади.
