«Челси» бош мураббийи Лиам Росеньор ҳимоячи Леви Колвилл ушбу мавсумда майдонга туша олиши ҳақидаги саволга жавоб берди.
Маълумки, жорий мавсум бошланишидан олдин, август ойида Колвилл тиззасидан жиддий жароҳат олган эди.
«Колвилл мавсум якунигача ўйнайдими? Умид қиламанки, ҳа. Эртага у ёшлар жамоаси таркибида бир неча дақиқа ҳаракат қилади. Бундай жиддий ва узоқ давом этган жароҳатдан сўнг тикланиш учун ҳам узоқ вақт талаб этилади. Уни асосий жамоага жалб қилишдан олдин, жисмоний жиҳатдан 100 фоиз тайёр эканлигига ишонч ҳосил қилишни истайман», — деди Росеньор журналистларга.
«Челси» шанба куни ўз майдонида «Манчестер Юнайтед»га қарши баҳс олиб боради.
