Мадриднинг «Реал» клубида навбатдаги мураббийлар алмашинуви юз бериши мумкин. Жамоанинг ҳозирги устози Альваро Арбелоанинг келажаги Ла Лигадаги омадсизликлар ва Чемпионлар лигасининг 1/4 финалидаги мағлубиятдан сўнг сўроқ остида қолмоқда.
Инсайдер Фабрицио Романонинг хабар беришича, ижобий жиҳатлар ҳам йўқ эмас: клубда испаниялик мутахассиснинг ишга бўлган муносабатидан мамнунлар, шунингдек, «қаймоқранглилар» раҳбарияти унинг ёш ўйинчиларга ишонч билдиришга мойиллигини юқори баҳолашмоқда. Шунга қарамай, агар мўъжиза юз бермаса, жамоа мавсумни совринларсиз якунлайди, шу боис Арбелоанинг кетиши эҳтимоли жуда юқори. Якуний қарор яқин орада қабул қилинади.
Альваро Арбелоа «Реал» бош мураббийи лавозимини шу йилнинг январь ойида эгаллаган эди — у истеъфога чиқарилган Хаби Алонсонинг ўрнини эгаллаганди.
