Дортмунднинг «Боруссия» клуби собиқ дарвозабони Роман Вайденфеллер Мадриднинг «Реал» клубига ким янги бош мураббий бўлиши мумкинлиги ҳақидаги фикрлари билан ўртоқлашди.
«Менимча, Дидье Дешам каби тажрибали мутахассис бу лавозимга жуда мос келган бўларди.
Шунингдек, Юрген Клоппни ҳам бу постда тасаввур қилиш осон. Назаримда, Юргенда ҳали ҳам ишга қайтиш иштиёқи бор.
Тўғри, у ҳозирги иши (Red Bull тизимидаги фаолияти – таҳр.) ўзига ёқаётганини аниқ тушунтириб берган. Аммо футболда ҳамма нарса тез ўзгариб кетиши мумкин. Қачонки «Реал» қўнғироқ қилса, одатда «йўқ» деб бўлмайди», — деди Роман Вайденфеллер.
