Dortmundning «Borussiya» klubi sobiq darvozaboni Roman Vaydenfeller Madridning «Real» klubiga kim yangi bosh murabbiy bo‘lishi mumkinligi haqidagi fikrlari bilan o‘rtoqlashdi.
«Menimcha, Didye Desham kabi tajribali mutaxassis bu lavozimga juda mos kelgan bo‘lardi.
Shuningdek, Yurgen Kloppni ham bu postda tasavvur qilish oson. Nazarimda, Yurgenda hali ham ishga qaytish ishtiyoqi bor.
To‘g‘ri, u hozirgi ishi (Red Bull tizimidagi faoliyati – tahr.) o‘ziga yoqayotganini aniq tushuntirib bergan. Ammo futbolda hamma narsa tez o‘zgarib ketishi mumkin. Qachonki «Real» qo‘ng‘iroq qilsa, odatda «yo‘q» deb bo‘lmaydi», — dedi Roman Vaydenfeller.
