Италия футболи тизимли инқирозни бошдан кечирмоқда: миллий терма жамоа қаторасига учта Жаҳон чемпионатини ўтказиб юборди, клублар эса жорий мавсумда Европа мусобақаларида қақшатқич мағлубиятларга учрадилар. Бундан ташқари, мамлакатда ёш иқтидорлар ва спорт инфратузилмасининг етишмаслиги кузатилмоқда.
Ушбу муаммолардан ташқари, Италиянинг «ташриф қоғози» ҳисобланган — «катеначчо» номи билан машҳур ҳимоявий ўйин услуби ҳам йўқолган. Айни дамда Бразилия терма жамоасини бошқараётган афсонавий мураббий Карло Анчелотти айнан шу жиҳатга эътибор қаратди.
«Ёки биз ҳам клублар, ҳам халқаро миқёсда муваффақият келтирган ҳимоявий тактикага қайтамиз, ёки азият чекишда давом этамиз. Чунки футболда нафақат рақибдан битта кўп гол уриш, балки рақибдан битта кам гол ўтказиб юбориш ҳам муҳимдир. Ва бу шунчаки қолипга айланган гап (клише) эмас», — дея Анчелоттининг сўзларидан иқтибос келтиради Il Giornale нашри.
Эслатиб ўтамиз, Италия терма жамоасининг охирги йирик муваффақияти 2020 йилги Европа чемпионатидаги ғалаба бўлган эди.
