«Манчестер Сити» бош мураббийи Хосеп Гвардиола жамоасининг ҳозирги даражаси ҳақидаги саволга жавоб берди.

«Биз янада кучайишимиз керак. «Челси»га қарши ўйиннинг биринчи бўлими ёмон бўлмади, лекин идеал эмас эди. «Ливерпуль» билан баҳснинг дастлабки 30 дақиқаси ҳам муваффақиятсиз чиқди. «Арсенал»га қарши финалнинг илк 30 дақиқасида эса рақиб биздан устунлик қилди.

Бундай жамоаларга қарши баҳсларда барча 90-95 дақиқа идеал ўтишини кутиб бўлмайди, бироқ ишонч жуда муҳим. Агар ишончни супермаркетдан сотиб олишнинг иложи бўлганида, биз буни зудлик билан амалга оширган бўлардик», — деди Гвардиола матбуот анжуманида.