«Manchester Siti» bosh murabbiyi Xosep Gvardiola jamoasining hozirgi darajasi haqidagi savolga javob berdi.

«Biz yanada kuchayishimiz kerak. «Chelsi»ga qarshi o‘yinning birinchi bo‘limi yomon bo‘lmadi, lekin ideal emas edi. «Liverpul» bilan bahsning dastlabki 30 daqiqasi ham muvaffaqiyatsiz chiqdi. «Arsenal»ga qarshi finalning ilk 30 daqiqasida esa raqib bizdan ustunlik qildi.

Bunday jamoalarga qarshi bahslarda barcha 90-95 daqiqa ideal o‘tishini kutib bo‘lmaydi, biroq ishonch juda muhim. Agar ishonchni supermarketdan sotib olishning iloji bo‘lganida, biz buni zudlik bilan amalga oshirgan bo‘lardik», — dedi Gvardiola matbuot anjumanida.