«Манчестер Сити» бош мураббийи Хосеп Гвардиола матбуот анжуманида жамоадаги кадрлар ҳолати ҳақида тўхталиб ўтди. «Шаҳарликлар» Премьер-лига доирасида «Арсенал»га қарши кечадиган ўз уйидаги баҳсга тайёргарлик кўрмоқда.
«Рубен Диаш ҳали тайёр эмас, лекин Нико О’Райлининг ҳолати яхши. Албатта, мен барча футболчилар ихтиёримда бўлишини хоҳлардим, бироқ мавсум давомида доим жароҳатлар кузатилади», — деди Гвардиола журналистларга.
Қайд этиш жоизки, Рубен Диаш бир ойдан бери майдонга тушмаяпти — у охирги марта 17 март куни «Манчестер Сити» сафида ўйин ўтказган эди.
