«Борнмут» раҳбарияти германиялик мутахассис Марко Розе билан меҳнат шартномасини имзолаш бўйича келишувга эришди. Sky Sports нашри хабарига кўра, 49 ёшли мураббий мавсум якунланганидан кейин инглиз клуби бошқарувини қўлга олади.
Эслатиб ўтамиз, яқинда «Борнмут»нинг амалдаги устози Андони Ираола Англия Премьер-лигасининг жорий мавсуми тугаганидан сўнг ўз лавозимини тарк этишини эълон қилган эди.
Марко Розе 2025 йилнинг мартидан бери — Германиянинг «РБ Лейпциг» клубидан кетганидан буён ишсиз юрибди. Шунингдек, у фаолияти давомида Дортмунднинг «Боруссия»си, Мёнхенгладбахнинг «Боруссия»си, Австриянинг «Ред Булл Зальцбург» ва бошқа клубларни бошқарган.
Айни дамда «Борнмут» Англия чемпионати турнир жадвалида 45 очко билан 11-ўринда бормоқда.
