Ўтмишнинг машҳур француз футболчиси Марсель Десайи ҳамюрти Килиан Мбаппенинг фаолияти ҳақида ўз фикрларини билдириб ўтди.
Марказий ҳужумчи 2024 йилдан бери Мадриднинг «Реал» клубида тўп суриб келмоқда. У ушбу жамоага Франциянинг «ПСЖ» клубидан ўтган эди.
«Ўйлайманки, у "Реал"га ўтиб, ўз орзусини амалга оширди. "ПСЖ"дан кетганидан кейинги бошланиш даври фантастик бўлди — барча мусобақаларда 44 та гол, бу шунчаки ақл бовар қилмайдиган натижа. Кейинги йили ҳам у "Реал"да юқори савияда ўйин намойиш этди», — деди Десайи.
Жорий мавсумда Мбаппе «қироллик клуби» сафида 39 та учрашувда иштирок этиб, ўз ҳисобига 40 та гол ва 6 та голли узатмани ёздириб қўйди.
