Мадриднинг «Реал» клуби бош мураббийи Альваро Арбелоа мавсум якунланганидан кейин ўз лавозимини сақлаб қолиши амримаҳол.
Клуб раҳбарияти Хаби Алонсонинг ўрнига тайинланган мураббий мавсум оқимини ижобий томонга ўзгартира олмади деб ҳисобламоқда. Marca нашрининг маълумотларига кўра, агар бирор «мўъжиза» юз бермаса, Арбелоа ёзда истеъфога чиқарилади. Кўринишича, мутахассисни ишдан бўшатишдан фақат Ла Лигадаги ғалабагина қутқариб қолиши мумкин.
«Қаймоқранглилар» чемпионат тугашига 7 тур қолганда «Барселона»дан 9 очко ортда қолган ҳолда турнир жадвалида иккинчи ўринни эгаллаб турибди. Мадридликлар Чемпионлар лигасининг 1/4 финалида «Бавария»га имкониятни бой бериб, мусобақани тарк этишди, Испания Кубогининг 1/8 финалида эса «Альбасете»дан мағлуб бўлишди.
