«Биз қайтдик» — ҳозирда «Ковентри» клубининг барча ресурсларида мана шундай хабарни кўриш мумкин. «Блэкберн» билан дуранг ўйнаган (1:1) жамоа Премьер-лига йўлланмасини нақд қилди. Математик жиҳатдан «Ковентри» энди Чемпионшип турнир жадвалида иккинчи ўриндан пастга тушиб кетмайди.
«Ковентри» бош мураббийи — «Челси»нинг юраги ва собиқ диспетчери Фрэнк Лэмпарддир. У ўтган йили ҳам жамоани Премьер-лигага олиб чиқишга ҳаракат қилган эди. Ўшанда «осмон-ранглилар» плей-оффда иштирок этишган, бироқ ярим финалда «Сандерленд»га имкониятни бой беришганди.
Шундай қилиб, «Ковентри Сити» 25 йиллик танаффусдан сўнг Премьер-лигага қайтмоқда — жамоа охирги марта 2000/2001 йилги мавсум якунларига кўра элитани тарк этган эди.
