«Барселона» Мадриднинг «Атлетико» клуби ҳужумчиси Александер Сёрлотга қизиқиш билдирмоқда, деб хабар беради журналист Маттео Моретто. Клуб норвегиялик футболчи борасида расмий сўров юборган.
«Кўк-анорранглилар» раҳбарияти Роберт Левандовскининг келажаги борасидаги ноаниқлик туфайли хавфсизлик чораларини кўриб қўймоқчи. Поляк ҳужумчиси шартномани узайтиришга ҳали розилик бермаган. «Барселона» Сёрлот Ханс-Дитер Фликнинг ўйин схемасига тез мослаша олади деб ҳисобламоқда.
2025/26 йилги мавсумда 30 ёшли форвард 47 та ўйинда майдонга тушиб, 17 та гол урди ва 1 та голли узатмани амалга оширди. Сёрлотнинг «Атлетико» билан амалдаги шартномаси 2028 йилнинг ёзигача мўлжалланган.
