Англия терма жамоаси ва «Манчестер Юнайтед» клубининг собиқ ярим ҳимоячиси Дэвид Бекхэм рафиқаси Викторияни туғилган куни билан табриклади. Виктория 52 ёшни қарши олди.
«Туғилган кунинг билан, ягона ва такрорланмас Posh Spice. Биз сени жуда яхши кўрамиз ва бугунги кунинг энг ажойиб тарзда ўтишини таъминлаймиз. Сен энг яхши рафиқа, она, дўст ва албатта, спорт залидаги энг зўр шериксан. Сен бунга лойиқсан. Туғилган кунинг билан, биз сени севамиз», — деб ёзди Бекхэм ижтимоий тармоқларда.
Дэвид ва Виктория Бекхэм 1999 йилнинг 4 июлида турмуш қуришган. Уларнинг тўрт нафар фарзанди бор — ўғиллари Бруклин, Ромео ва Круз, шунингдек, қизи Харпер.
