Мадриднинг «Реал» клуби ҳужумчиси Винисиус Жуниор яқин келажакда Европада ўзи учун янги клуб топиши амримаҳол бўлиб турибди. Бразилиялик футболчининг агентлари Европа грандларида қизиқиш уйғотиш учун «ҳамма нарсани синаб кўришди», бироқ ҳеч қандай талаб пайдо бўлмади, деб хабар бермоқда Transfer News Live журналист Ромен Молинага таяниб.

Ҳатто 25 ёшли форвардга даъвогар сифатида кўрилаётган «Челси» ҳам унга қизиқиш билдирмади. Аввалроқ жорий мавсум давомида «Реал» ва Винисиус ўртасидаги музокараларда футболчининг маош бўйича талаблари туфайли муаммолар юзага келгани ҳақида хабар берилган эди. Шу билан бирга, матбуотда Флорентино Переснинг юлдуз билан янги шартнома имзолаш ниятида эканлиги ҳақида ҳам маълумотлар тез-тез пайдо бўлиб турибди.

Transfermarkt портали футболчининг қийматини 150 миллион еврога баҳоламоқда.