«Барселона» вингер Маркус Рэшфордни «Манчестер Юнайтед»дан тўлиқ сотиб олиш борасида тобора кўпроқ шубҳаланмоқда. Англиялик футболчи Каталония клубига доимий асосда ўтиш учун маошининг камайтирилишига рози, бироқ «кўк-анорранглилар» раҳбарияти барибир «қизил иблислар»нинг 28 ёшли тарбияланувчисини ротация ўйинчиси учун жуда қиммат деб ҳисобламоқда.
Трансфер фақат «МЮ» ўз талабларини сезиларли даражада пасайтирган тақдирдагина амалга ошиши мумкин, шунингдек, ижара муддатини яна бир йилга узайтириш варианти ҳам истисно этилмаяпти. Sport нашрининг хабарига кўра, агар Рэшфорд билан хайрлашиладиган бўлса, «Барселона» халқаро майдонда тажрибага эга бўлган ва маош бўйича талаблари пастроқ бўлган ёш вингерни сотиб олишга ҳаракат қилади. Ҳозирча аниқ номзодлар белгиланмаган.
