«Манчестер Юнайтед» бош мураббийи Майкл Кэррик ярим ҳимоячи Каземиронинг гол сезиш қобилияти ҳақида ўз фикри билан ўртоқлашди.
«Унда жарима майдончаси ичида ва унинг атрофида ўйинни ҳис қилиш қобилияти борлиги шубҳасиз. Унда ўргатиб бўлмайдиган "олтинчи сезги" мавжуд — керакли жойни эгаллаш, бўшлиқни ҳис қилиш ва бунинг устига, ҳужумни якунлаш учун совуққонлик намойиш этиш. У доимо ҳал қилувчи голларни уриб келган», — деди Кэррик.
Жорий мавсумда Каземиро «Манчестер Юнайтед» сафида барча турнирларда 31 та ўйинда майдонга тушиб, саккизта гол урди ва иккита голли узатмани амалга оширди.
