Аввалроқ ОАВда «Атлетико» ҳужумчиси Хулиан Альварес топ-клублар эътиборида тургани ҳақида маълумотлар пайдо бўлган эди. Хусусан, «Арсенал» ва «Барселона» томонидан қизиқишлар борлиги хабар қилинганди.

Mundo Deportivo нашри берган маълумотга кўра, Мадрид клуби футболчи билан хайрлашишни режалаштирмаяпти. Таъкидланишича, «Атлетико» аргентиналик ўйинчининг эҳтимолий сотуви бўйича «Барселона» билан музокара ўтказмоқчи эмас.

Альварес жорий мавсумда 46 та ўйинда майдонга тушиб, 18 та гол урди ва шерикларига 9 та голли узатмани амалга оширди. Унинг бозор қиймати 90 миллион еврога баҳоланмоқда, амалдаги шартномаси эса 2030 йилгача мўлжалланган.