«Наполи» президенти Аурелио де Лаурентис жамоа бош мураббийи Антонио Конте билан суҳбатлашишни режалаштирмоқда. Аввалроқ, клуб раҳбарининг қарорига кўра мураббий истеъфога чиқиши мумкинлиги ҳақида хабарлар тарқалган эди.
Эндиликда Corriere dello Sport нашрининг таъкидлашича, де Лаурентис Конте билан учрашувни келаси ҳафтада ўтказишга қарор қилган, ваҳоланки, дастлаб бу суҳбат мавсум якунида бўлиб ўтиши керак эди. Музокараларда, шунингдек, спорт директори Жованни Манна ва бош директор Андреа Кьявелли ҳам иштирок этади.
Яқинда Аурелио де Лаурентис Антонио Контенинг Италия терма жамоаси бош мураббийлигига тайинланишига тўсқинлик қилмаслигини тан олган эди. Мутахассиснинг амалдаги шартномаси 2027 йилнинг ёзига қадар мўлжалланган.
