«Манчестер Юнайтед» Англия чемпионатининг 33-тури доирасида сафарда «Челси»ни мағлубиятга учратди — 1:0.

Учрашувнинг 43-дақиқасида Матеус Кунья гол уриб, жамоасига ғалаба келтирди. Унга Бруну Фернандеш ассистентлик қилди. Бу португалиялик футболчи учун АПЛ-2025/26 мавсумидаги 18-голли узатма бўлди. Тьерри Анри ва Кевин де Брейнега тегишли бўлган рекордни такрорлаши учун Фернандешга яна иккита голли пас керак бўлади.

Ушбу ғалабадан сўнг «Манчестер Юнайтед» 58 очко жамғариб, АПЛ турнир жадвалида учинчи ўринга кўтарилди. «Челси» эса кетма-кет тўртинчи мағлубиятини қабул қилиб олди. Лондонликлар 48 очко билан олтинчи поғонада бормоқда.

«ЧЕЛСИ» — «МАНЧЕСТЕР ЮНАЙТЕД» — 0:1

Гол: Матеус Кунья 43 (0:1).

«Челси»: Санчес, Хато, Фофана (Чалоба, 81), Кукурелья, Гюсто (Ачимпонг, 81), Фернандес (Лавиа, 88), Кайседо, Палмер, Педру Нету, Эстеван (Гарначо, 16), Делап.

«Манчестер Юнайтед»: Ламменс, Мазрауи, Хевен, Шоу, Далот, Каземиру, Майну, Бруну Фернандеш, Кунья (Маунт, 81), Мбемо (Зиркзе, 87), Шешко (Диалло, 80).

Огоҳлантиришлар: Хато (39) — Кунья (25), Маунт (90), Майну (90).