«Реал Сосьедад» Испания Кубоги финалида «Атлетико Мадрид»ни мағлуб этди — 2:2 (пенальтилар сериясида 4:3). Учрашув Севилья шаҳрида бўлиб ўтди.
Асосий вақтда «Атлетико» сафида Адемола Лукман ва Хулиан Альварес гол урган бўлса, «Реал Сосьедад» таркибида Андер Барренечеа ва Микель Ойярсабаль ўз номини таблога ёздириб қўйди.
Пенальтилар сериясида мадридликлар иккита имкониятдан фойдалана олишмади — ҳужумчилар Александр Сёрлот ва Хулиан Альвареснинг зарбалари бесамар кетди. «Реал Сосьедад»да эса фақат Орри Оскарссон хатога йўл қўйди. Сериядаги ғалаба тўпига «оқ-кўклар» ярим ҳимоячиси Пабло Марин муаллифлик қилди.
Шу тариқа, «Реал Сосьедад» ўз тарихида тўртинчи бор Испания Кубогини қўлга киритди — бунгача жамоа 1909, 1987 ва 2020 йилларда ушбу совринга эга чиққан эди.
«АТЛЕТИКО» — «РЕАЛ СОСЬЕДАД» — 2:2
(Пенальтилар серияси — 3:4)
Голлар: Андер Барренечеа 1 (0:1), Адемола Лукман 18 (1:1), Микель Ойярсабаль 45+1-пен (1:2), Хулиан Альварес 83 (2:2).
Пенальтилар серияси:
-
Серлот (0:0, дарвозабон) — Солер (0:1)
-
Альварес (0:1, дарвозабон) — Оскарссон (0:1, дарвозабон)
-
Гонсалес (1:1) — Сучич (1:2)
-
Альмада (2:2) — Айен Муньос (2:3)
-
Баэна (3:3) — Марин (3:4)
«Атлетико»: Муссо, Пубиль, Ле Норман, Руджери (Серлот, 62), Молина (Кардозо, 78), Коке, Льоренте (Лангле, 99), Лукман (Гонсалес, 62), Симеоне (Баэна, 70), Гризманн (Альмада, 70), Альварес.
«Реал Сосьедад»: Марреро, Чалета-Цар, Хон Мартин, Гомес (Кубо, 88), Арамбуру (Элустондо, 113), Туррьентес (Горротчатеги, 68), Солер, Сучич, Гонсалу Гедеш (Айен Муньос, 78), Барренечеа (Марин, 68), Ойярсабаль (Оскарссон, 78).
Огоҳлантиришлар: Ле Норман (33), Муссо (43) — Ойярсабаль (30), Горротчатеги (120), Элустондо (120).
