Суперлига 8-турида "Пахтакор" ўз майдонида "Динамо"ни мағлуб этганидан сўнг (4:2), "шерлар" бош мураббийи Камолиддин Тожиев матбуот анжуманида иштирок этди.
«Ўйинни тезкор голлар билан бошладик, бироқ хотиржамликка берилганимиз сабабли худди шундай тез голлар ўтказиб юбордик. Иккинчи бўлимда учинчи тўпни киритганимиз баҳсни ўзгартириб юборди. Кейин яна вазиятлар яратдик ва учрашув тақдирини ҳал қилдик.
Ўтказилган голларда ўзимиз хатога йўл қўйдик. Хатоларни таҳлил қилиб чиқамиз. Йигитлар жуда яхши ҳаракат қилишди, уларга раҳмат айтаман», - деди Тожиев.
