Superliga 8-turida "Paxtakor" o‘z maydonida "Dinamo"ni mag‘lub etganidan so‘ng (4:2), "sherlar" bosh murabbiyi Kamoliddin Tojiyev matbuot anjumanida ishtirok etdi.
«O‘yinni tezkor gollar bilan boshladik, biroq xotirjamlikka berilganimiz sababli xuddi shunday tez gollar o‘tkazib yubordik. Ikkinchi bo‘limda uchinchi to‘pni kiritganimiz bahsni o‘zgartirib yubordi. Keyin yana vaziyatlar yaratdik va uchrashuv taqdirini hal qildik.
O‘tkazilgan gollarda o‘zimiz xatoga yo‘l qo‘ydik. Xatolarni tahlil qilib chiqamiz. Yigitlar juda yaxshi harakat qilishdi, ularga rahmat aytaman», - dedi Tojiyev.
