«Тоттенхэм» бош мураббийи Роберто де Дзерби «Брайтон»га қарши учрашувдан кейинги матбуот анжуманида жамоанинг Премьер-лигада жон сақлаб қолиш учун олиб бораётган курашига тўхталди. Англия чемпионатининг навбатдаги туридан ўрин олган ва 2:2 ҳисобида якунланган баҳсдан сўнг жамоа турнир жадвалида 18-ўринни эгаллаб турибди.
«Жуда оғир пайт. Бироқ мана шундай мухлислари бор клубда ишлаётганимиздан бахтиёрмиз, чунки бугун майдонда ақл бовар қилмас муҳит ҳукм сурди. Ташқаридан қараганда, биз жон сақлаб қолиш учун эмас, балки Чемпионлар лигаси йўлланмаси учун курашаётгандек таассурот уйғониши мумкин эди», — дея мураббийнинг сўзларини Sky Sports келтирмоқда.
«Биз кўп нарсани яхшилашимиз керак. Мен маҳзун инсонлар билан ишлашни истамайман. Улар менга ишонишлари керак. Агар мен шу ерда эканман, демак, фақат ижобий кайфиятдаман ва кейинги мавсумда ҳам АПЛда қолишга қатъий қарор қилганман», — дея қўшимча қилди мутахассис.
